【頭條獨家】難忘大灑金錢又被淋屎 黃智賢樂做《黃金》二世祖

2020-01-10 02:00

黃智賢(Ben)最近在新劇《黃金有罪》演富二代「唐昊峰」,他笑言難得可演二世祖,雖然角色經歷不少起跌,不過亦有好多難忘戲份,譬如去夜總會玩向天大灑金錢,以及在後巷畀人淋屎;而相隔26年再跟張兆輝合作,感覺依然親切。講到鼠年願望除了身體健康,他笑言希望屋企3隻寶貝狗狗,唔好再周圍便便。撰文:杜淑霞 攝影:李維隆 髮型:Willie Chan@hair culture

以往Ben多演基層角色,好少做有錢人,「今次呢個唐家二少,完全係個二世祖嚟,如果順景本來係冇乜缺點,但係佢EQ真係好低,逆景時問題就出現,除咗要同曾航生演嘅阿哥爭身家,仲因為娶咗陳自瑤演嘅老婆,令Lily姐(梁舜燕)演嘅阿媽好唔鍾意,佢一生都好大起跌㗎!」講到難忘戲份,Ben說:「我未試去夜總會玩,仲好豪咁向天係咁掉錢,雖然係道具,但感覺真係好正,仲有就係喺後巷畀人淋屎,嗰日排到最後拍,拍完個個收得工,得番服裝姐姐等我沖身。」

關鍵字

最新回應

關鍵字

相關新聞

熱門文章