星島日報

【頭條獨家】《黑巿》大玩神怪靈異 王貽興望觀眾睇完會反思

2020-01-03 00:00

王貽興跟劉翁任製作人的劇集《黑巿》最近在ViuTV推出,繼兩套前作《VR驅魔人》及《陽關道》後,再度大玩神怪靈異題材。不過,神怪靈異只是手段,貽興承認實則想通過這超現實的包裝,去諷刺世道的種種崩壞,令人反思。好似劇集首個單元《碟仙》,就是他看到一段教師自殺新聞後,有感而發的創作。撰文:杜淑霞 攝影:李維隆 場地:The Stadium


貽興跟劉翁合作開公司後,《黑巿》是兩人創作的第3套劇集,繼續合導合編,題材繼續是神怪靈異,貽興解釋這份情義結,「以前細個港產片好多呢啲題材,但呢十年八年因為要搵更大巿場,大家唔敢再做,但係我同劉翁,同一啲香港人好多嘅童年回憶,包含咗愛情、搞笑、驚嚇,甚至有啲警世意味,中國以前好似《聊齋》嘅故事,都係借一啲神怪題材,去諷刺現實同時弊,用呢個方向容易令人反思同入心。」


望創作去得更遠
本來今年4月貽興已完成該劇劇本創作,但剛巧發生了教師自殺案令他決定重寫《碟仙》這單元,「最初寫咗一個版本講班後生仔去宿營玩碟出事,比較傳統嘅古仔,但發生咗呢件事後,大家都好憤怒做咗好多大龍鳳冇再有後續,我有個衝動好想唔要原本劇本擺咗呢件事入去,類似無限輪迴嘅講故事方法,令大家反思因果,大家重覆犯錯或者離唔開宿命。」

當了製作公司老闆,成為製作人後,貽興坦承學識了妥協,亦覺得有份承傳的責任,所以今次劇集除了不少有份量的演員,好似陳啟泰、陳國邦和詹昊宸(前名詹瑞文)外,亦搵來不少新面孔參與演員,其中獨他力讚的有《鬼子母神》單元的男主角陳郁憲,「除咗成本問題,搵新人演可能個新鮮感同埋真實感會高,同埋做咗製作人,加埋做過《造星II》評審後,發覺好多年青人對呢個好有熱誠,𠵱家叫做有少少能力,幫到咪幫囉!」而他和劉翁希望除了之前跟馬來西亞電視台及Netflix合作外,還想將作品帶到其他平台,而且創作亦會更多元化,「我哋嚟緊會搞埋電影,亦都會搞一啲綜藝節目。」

最新回應

關鍵字

熱門文章