老婆冇麻醉順產誕B女 林子善：母親偉大令我喊到變豬頭

林子善與老婆董佩欣結婚2年，今年報喜老婆成功佗B，今日凌晨終於宣佈當爸了。子善先在ig story上載為妻女打氣及集氣片段，隨後貼上囡囡照片，留言：「媽咪超級無敵勁...冇麻醉順產分娩😱 極速0至10度50分鐘小乖乖出世🤗 由懷孕到小乖乖出世成個過程歷歷在目 長大後可以唔錫爸爸但一定要錫媽咪😘😘😘 #母愛真偉大 #超乎常人」。雖然已是凌晨，但大批網民及圈中好友，包括胡定欣、張寶兒、陳敏之、袁偉豪、莊思敏、傅嘉莉等第一時間留言祝賀。

興奮過後，子善再在fb留言：「未能回覆各位 再次多謝咁多位嘅擔心 母女平安。超能老婆50分鐘內完成整個分娩過程，去到最後話唔用無痛分娩 當堂眼都突埋出嚟 母親嘅偉大令到我變成豬頭哭成涙人 多謝咁多位嘅集氣，東區醫院嘅助產士同姑娘嘅專業我終於睇到，亦多謝羅醫生一直支持太太順產🙏🏾」。