【維港會】三耳局長練跑與街坊齊歎早餐

政制及內地事務局局長聶德權是跑友，過去三年都有參加一年一度馬拉松盛事，今年初跑半馬用了兩小時四分多鐘完賽，年年有進步。話咁快，明年二月又有比賽，三耳局長梗係做足準備，昨日早上趁在和煦的陽光下，即刻起牀出門，沿海濱長廊跑呀跑，跑了足足二十二公里，他當然有打卡，在社交網站上載馬鞍山海濱長廊靚相，同時不忘讚下自己很勤力備戰。

三耳局長一邊跑，仲遇上跑友打吓牙骹，之後又遇到街坊，齊齊去茶餐廳食早餐，他形容簡單就是最好，能度過一個寧靜、健康和充實的早上，很滿足。