王祖藍自掏腰包搞聖誕童樂日 Sunny哥哥精彩表演掀高潮

為慶祝冬至及聖誕佳節，王祖藍與李亞男早前自掏腰包，舉行「聖誕『童樂日』」，邀請了一眾藝人好友朋友幫忙，包括阮兆祥、細細粒（陳嘉佳）、梁嘉琪、香港基督徒歌手小組、元祖級兒童節目主持人Sunny哥哥（黃汝燊）以及應屆藝訓班同學，為龍耳社、傷聚義工小組、家福會及LIFEWIRE等的有需要家庭及兒童，舉行一個「有得食又有得玩」的聖誕聯歡派對。
「寶刀未老」的Sunny哥哥，除了魔術表演精彩又充滿驚喜外，其風趣幽默的旁述，不但令現場小朋友看得如癡如醉，紛紛走到台前爭取近距離一睹Sunny哥哥風采，連台下的「大細路」祖藍、亞男、祥仔及細細粒，亦看得異常興奮，不停拍手大笑及歡呼。

事後祖藍及亞男直言十分感恩，並謂希望以後每一年都能令有需要的小朋友笑得如此開心快樂：「自從喺囡囡Gabby百日宴上面，見到啲小朋友玩得好開心，我哋就好想將呢份快樂延續落去。所以我哋希望，每年Gabby嘅生日月，都可以舉行一啲有意義嘅活動，為有需要嘅小朋友做少少嘢。見佢哋笑得開心，我哋亦感受到嗰種單純嘅快樂。（下次會唔會帶埋Gabby一齊嚟？）會呀，等佢大個啲，我哋一定會帶埋佢一齊出席活動。」