韓風新歌MV舞步玩即興 Kenny談爆肌之苦

剛於九月完成首個紅館Show的關智斌（Kenny）推出新歌《頭頂有角》，歌曲有別Kenny以往拿手的抒情慢歌，而是節奏強勁、加入了電子元素的Party Music。歌曲由韓國作曲人BOYTOY及J.PRAIZE作曲、李峻一填詞，feat. SHIMICA。

Kenny透露《頭頂有角 》MV加入了好多自己的想法，「歌詞講無論你幾咁古怪、點同人哋唔同都好，都要be yourself，勇敢去做好自己，可能你最古怪嘅就係你最可貴嘅嘢。」提到MV中的舞蹈，他說:「MV入面跳嘅舞全部隨心即興，完全freestyle 。」講到由纖瘦美少男變成爆肌型男，Kenny即大呻，「一個瘦底嘅人要增肌，係比一個要減肥嘅人更難。減肥只需減食同做運動就可輕易達標，但瘦底嘅人係要食好多唔同又唔係太好食嘅食物加上大量運動及操練先可以增肌肉，所以話『瘦底要爆肌係好難㗎』。」