胡定欣深宵派福利晒半裸背影照 姚子羚求正面

胡杏兒、胡定欣、胡蓓蔚（豹嫂）、李施嬅和姚子羚幾位胡說八道會好姊妹的馬爾代夫之旅已完結，但美照晒不完。定欣昨夜派福利，在社交網貼上由豹嫂揸機幫她拍的半裸背影照，只穿三角泳褲戴大大的太陽帽望海，大晒靚背，留言：「平時Keep得咁辛苦，呢張相係要影既（嘅）!~😌」，睇到一眾好友和網民嘩嘩聲，豹嫂亦謂：「我諗宜（依）家全世界都應該好妒忌我😜」，定欣回應豹嫂：「咩都俾（畀）你睇晒🤪」。
姚子羚留言：「求正面」，不少網民響應；「蝦頭」楊思敏則留言：「Pm我正面吖 表姐 🤣🤣🤣🤣🤣」，定欣回她：「唔啱你pm你正面俾（畀）我先🤣」。