【維港會】尖沙嘴雪條伯伯吸催淚煙　食雪條紓緩不適

今日大批市民到尖沙嘴參與遊行，其後有人走出馬路，警方在太空館對出一度發射多枚催淚彈，一名街頭賣雪糕雪條嘅伯伯亦受波及。

該位伯伯向記者表示，吸入催淚煙後眼部不適，後來有人幫佢洗眼，之後繼續擺擋。佢仲食咗條紅豆雪條，認為呼吸多啲，食雪條增加身體水份，會覺得舒服一啲。當時身邊仍有大批防暴警，氣氛緊張，與伯伯看似悠閒地食雪條形成強烈對比。