【頭條名人】睇湖中教堂及洞穴城堡 顏福偉教你平遊斯洛文尼亞

「白花油王子」顏福偉 (Stephen) 早前偕親友一行4人首到意大利毗鄰小國斯洛文尼亞遊覽，由米蘭揸車去車程要6小時，當地又不算大，但風景靚到好似Postcard一樣，尤其去到首都Ljubljana，當中有12世紀興建的洞穴城堡Predjama Castle，以及在Lake Bled湖中島上的天主教堂都好值得參觀，地方細細但好多靚景點。 撰文：李佩儀

Stephen稱與親友到達意大利米蘭後，便租車去斯洛文尼亞，大約坐5小時先到達海邊城巿Piran。他們入住5星級酒店Palace Hotel，他表示環境好服務又好，食完飯仲去酒吧飲嘢吹水。翌日早上坐1個半鐘頭車就去到首都Ljubljana，他大讚：「斯洛文尼亞成個Country都好綠，風景靚到好似Postcard咁，啲屋又整齊，好有童話色彩。」他們主要去Lake Bled湖中島上的天主教堂和洞穴城堡Predjama Castle參觀。

平靚正好地方
Stephen稱天主教堂非常出名，「今次同行嘅親友都係為咗去呢個Church打卡而跟我一齊去，所以都留咗喺島上成日慢慢遊覽。」而Predjama Castle是全世界唯一利用洞穴興建的城堡，Stephen表示設計真係好特別，所以他在不同角度影相留念。雖然只逗留了3日，但他坦言：「如果大家想去威尼斯，不如考慮去斯洛文尼亞，因為呢度可以享受到意大利嘅風味，但消費平一半，就好似租車咁，喺斯洛文尼亞租車平意大利一半，所以就叫當地司機去意大利接你會抵好多。」