勇奪最優秀電影男演員 張兆輝感激演技獲認可
2019-11-26 18:06 
從影37年的張兆輝係好戲之人，2014年憑《恐怖在線》攞到聖地牙哥獨立電影節影帝，日前憑新片《催眠裁決》再勇奪《2019國影年度表彰盛典》上「最優秀電影男演員奬」，演技再一次肯定，輝哥在領獎台上有感而發說：「謝謝投資方，導演、製片人對我嘅信任、畀我有咁多好角色，謝謝委員會對我嘅認可係最好嘅嘉獎，謝謝一直支持我嘅影迷，謝謝你哋對我嘅信任，我會繼續努力！」
《催眠裁決》張家輝聯同王浩信、張翰、鄭則仕、金燕玲、蔡瀚億、蘇麗珊等演出，張兆輝化身亦正亦邪的警察，面對着內心掙扎，展現出多面嘅複雜人格，好有戲做，連眼神都識得做戲。
當日輝哥代表著香港影視出席盛典獲邀行紅地毯，期間，輝哥巧遇多年未見的導演熊欣欣，當年熊欣欣睇好輝哥演戲潛質多面化，第一個找他在內地電影上做反派角色，十多年冇見，兩人一碰面便話當年，十分開心及感觸！
關鍵字
最新回應