自爆曾被男仔呃 劉佩玥:周志文毋須呃我

無綫節目《娛樂大家》進行錄影，今集邀請到劉佩玥、林盛斌（Bob），瞿威廉及張美妮等擔任嘉賓。劉佩玥已是第二次擔任嘉賓，她提到上次「宮廷狼人殺」輸了，今次要一雪前恥。談到是否不懂欺騙人，她笑說：「我識架！上一次我有搵同事練習，不過練習都好快死。今次會同Bob一隊，但都俾佢呃到，第一個就殺咗我。」

她透露兒時會對媽咪講大話，但亦知道媽咪沒有折穿而已。問到長大了反過來呃男仔？她笑說：「我俾人呃就真，試過搵唔到個男仔70幾個鐘，佢解釋瞓咗覺，當時我都信。（周志民有無呃過你？）我地係好朋友，唔需要呃來呃去，總次有好消息會通知大家。」

另外，吳若希丈夫日前車囡囡返學，不慎發生交通意外，三車連環相撞。她說：「BB都有喊，都有驚，好彩無事。老公好鎮定咁打俾我話我知，有講Sorry同已報警。」她透露丈夫今日以公共交通工冥送囡囡返學，足足花了1小時。她提到老闆何哲圖都大為緊張，更多番叮囑不要責罵丈夫。