一日內3分店停業拒炒員工 黃傑龍籲食客先支持小店

餐飲品牌敍福樓集團宣布旗下3間分店暫停營業。主席兼行政總裁黃傑龍於Facebook表示，「今日一日之內我哋暫停營業咗3.5間分店」，「三間分別係沙田新城市柳氏家、旺角瓊華中心及銅鑼灣世貿WTC的MMC牛涮鍋，仲有0.5間係收咗鋪未裝修嘅永華麵家現在也決定擱置了」。

黃傑龍指，三間分店一向生意都只屬一般，過去幾個月亦係處於社會運動的核心區，踏入10月只有正常生意的10至20%，能夠支撐到今天已經是同事最大的努力，奈何實在虧損得太嚴重了。他解釋，「停業唔可以怪任何人，只係我管理不佳。 中美貿易戰嚴重困擾本地經濟，港鐵經常突然提早關站，都明顯加速了問題的浮現。社會運動帶來的社會成本，我作為香港人當然願意一同承擔」。

黃傑龍形容，生意人做到要關門從來都是最困難的決定，但面對着完全不明朗的處境，再困難的決定只要正確，都要馬上落實。 他堅持三間停業分店一個同事都不裁減，全部同事只要願意都會繼續被聘請調去集團其他店舖。

黃傑龍表明，「我唔想裁員，只要同事願意一起努力，一起面對困難的前路，我希望敘福樓集團仲會成為一間百年企業」。他又不點名諷刺政府，「我會繼續擔任公司CEO，直至同事與顧客對我嘅支持率跌破50分，絕對不會等到低過20分」。

他指，今天香港整個零售餐飲業經營極度困難，「所以唔係單單我面對這個困境，大家唔需要特別嚟支持我，去都去咗小店先」。他又透露，一直呼籲各大業主願意減租，6月至今暫時只有2間舖業主同意減租，雖然減幅是很少甚至幫助極微，但他內心都十分感激。