兩公婆輪流拍劇難造人 曹永廉笑蕭正楠：都係幾秒嘅事

蕭正楠及曹永廉為新劇《愛美麗狂想曲》開工，阿廉透露尚餘數天便煞科，之後會放假休息；阿蕭即窒他說：「冇嘢撈就冇嘢撈啦！」阿廉直認「冇嘢撈」後會做身體檢查，皆因拍劇與阿蕭日對夜對，覺得心臟不太妥，但今次不會再帶阿蕭齊齊驗身。阿蕭笑說：「阿廉去驗大腸，不用啦！」
問到阿蕭會否趁放假與老婆黃翠如造人？阿蕭指翠如要拍《使徒行者3》，時間未必能配合；阿廉再笑說：「阿蕭要先睇醫生呢，其實造人都是幾秒嘅事，趁後生快點造啦，你都40幾歲喇！」
談到翠如及洪永城的旅遊節目《出走澳洲》今晚首播，阿蕭直言一定會捧老婆場，順道監察老婆有否遭洪永城欺負。笑問二人會否學翠如拍節目紀念相識10周年？阿廉再放笑彈說：「阿蕭過到才算啦！」阿蕭即反唇相譏：「大家咁話啦！不要經常咒人呀！」