人生最瘦唔理男友喜好 吳嘉熙：自己身體自己決定

吳嘉熙（Cheronna）、譚嘉荃及岑日珈等為無綫節目《流行經典50年》錄影，清減了的Cheronna透露，減磅十分嚴格，食物走油、走鹽和走糖外，更會跟餐單及做運動。她笑說：「應該係人生最瘦！（上圍縮水？）可能細咗。」瘦身成功可會騷身材？她謂以前喜歡闊袍大袖，現在會考慮著較貼身衣服。問到男友黃奕晨喜愛她小胖跟是瘦？她說：「自己身體自己決定，無咩意見。（叫佢一齊操？）佢自己嘢唔關我事啦，會畀到壓力佢。」
譚嘉荃將於11月於麥花臣場館開騷，但原訂9月份於九展Music Zone舉行，但延期至11月卻變了更大場館。她說：「我真係好感恩，身邊朋友知道延期都會擔心我會唔開心，多謝公司咁錫我，改日子之餘仲改埋場地，場地變大對歌手係件好事，而且準備時間又多咗。」