湯怡初次出席巴黎時裝週　乘機喪買大出血

湯怡（Kathy）日前受法國品牌邀請出席巴黎時裝週，首次「登陸」時裝週的Kathy相當興奮，「10歲左右去過一次巴黎，嗰陣時仲細個，所以印象唔深。今次非常之興奮！因為一直都好鍾意巴黎呢個地方，睇過好多電影，覺得呢個地方特別浪漫，好有藝術氣息。」

時隔多年再踏足巴黎，Kathy指除了浪漫氣氛令她印象深刻，她亦被巴黎的交通情況嚇到，「到埗之後第一個感覺係巴黎好塞車！任何時間、任何地方都超級塞車同埋成日封路，所以每日都預早好多時間，以防Miss咗任何一場show。」看show以外，Kathy亦趁機於當地瘋狂Shopping，「行程入面有一日空檔，呢日由朝到晚都喺到血拼，買咗好多衫褲鞋同手袋，差啲要買多個喼拎返香港。」