【維港會】等少主放學等到攰 外傭坐BB車玩手機遭網民怒轟

不少家長因為工作忙碌，聘請外傭代為照顧小朋友，不過有網民發現外傭在等待少主下課時，竟然坐在BB車上休息、玩手機，而照片可見BB車幾乎被逼爆。帖文隨即惹來網民關注，不少人批評外傭行為離譜。

有網民在社交網站Facebook群組「外傭僱主必看新聞訊息」發文，指自己帶同女兒到沙田石門一個商場，打算報名參加學前班時，在一所教育中心門外發現一名外傭竟然大模施樣坐在嬰兒車上玩手機。

從相片可見，該名工人姐姐肩上披著一條毛巾，穿著拖鞋，將雙腳放在踏板上，一臉悠閒躺卧在車上玩手機。樓主又指，公開照片是希望能夠找到其僱主，以便作出跟進。

不少網民看過帖文，紛紛留言斥責工人姐姐的行為，或會影響BB車負重安全，「呢架車我囡3歲嗰時已經覺得負荷唔到，何況一個成年人」、「姐姐咁坐唔知架車幾時出事，一陣到小朋友坐上去先出事就麻煩了」、「真係好離譜，仲要雙腳離地，全身坐係BB車度，超重負荷！極易壞，推推下，驚小朋友受傷出事」。