【維港會】憶述當年受辱經歷 金澤培哽咽「我唔要同事受呢啲侮辱」

反修例風波持續3個月，港鐵更成為示威者衝擊及破壞目標。港鐵行政總裁金澤培周六在港鐵儲蓄互助社周年晚會上就盡訴心中情，為受盡凌辱的同事打氣，仲講到一度哽咽。

金澤培在台上對一眾港鐵同事講，連串事件中最令他感到痛心的，是有人向港鐵職員發晦氣，侮辱他們，「係幾個鐘頭不停，嚟完一次又一次！」。他又分享幾年前，試過類似經驗，當年面對過百群眾，被鬧足一個鐘。「佢哋唔係嚟講道理，係嚟鬧你，粗口問候晒成屋企人，我同阿媽講，實在好少咁多人嚟問候你。」金澤培稱，當時就連祖宗18代都都受牽連，下一代亦被詛咒。他哽咽說「我唔要我啲同事面對呢啲侮辱！」台下即響起一片掌聲。