雯雯再開腔護張致恒：人誰無錯

張致恒（Steven）早前的醜聞風波終於暫告一段落，張致恒未婚妻雯雯昨日上載抱仔相並發文後，今日又再發文為Steven護航。雯雯表示：「世界上冇人唔會做錯事，你同我一樣都會有錯嘅時候，至於值唔值得原諒，每個人都會有唔同睇法，而我覺得都未畀機會，唔通就要判人死刑，感情事從來冇分對與錯，自己覺得值得就繼續。」

雯雯更強調就算全世界都唔睇好和責備Steven，她都要努力和Steven一起行落去。對於小朋友的成長，她就話：「開心唔開心好同唔好，都唔係你同我可以去做結論，既然佢已經嚟到呢個世界，就俾（畀）空間佢去行佢嘅人生，所以希望大家可以停止去傷害同侮辱，一個只擁有一顆天真嘅心，無論發生幾唔愉快嘅事，都係會帶住笑容的小朋友，我仍然相信每個人都有善良嘅心。」