陳法拉返港開工失聯 老公急打中文訊息尋妻

陳法拉早前回港拍攝美妝品牌廣告，工作忙過不停的她，經常要與老公Emmanuel Straschnov分隔兩地，法拉坦言夫妻見面時間確很少，但問題不大，說：「由初相識到依家，我同佢日日都會Whatsapp或者視像通話。有時兩人相處給予大家空間都係件好事，可以去做返自己鐘意嘅事，然後大家又可以有多啲嘢分享。」
不過今次連續數日的拍攝令法拉疲於奔命，結果鬧出一個既搞笑又甜蜜的笑話。她笑說：「有晚放工真係好攰，瞓落張床都未打完個訊息就瞓著咗，結果老公就係咁用中文傳訊息畀我『你喺唔喺到？』、『點解冇人睬我嘅？』、『你忘記我了！』。」睡醒後看到老公對她這麼緊張，法拉覺得既搞笑又窩心，還助她舒緩了不少工作壓力。
結婚過後，法拉除了著緊自己的皮膚保養外，更會照顧另一半的日常護理，法拉表示：「其實老公都鍾意用護膚品，所以佢啲皮膚都幾好，仲有時會偷我嗰啲用添！」