憂梁舜燕傳重病 劉少君現身醫院：探唔到佢

87歲甘草演員梁舜燕（Lily姐）被傳患癌於香港佛教醫院留醫，曾合作《真情》飾演Lily姐兒子的劉少君，中午時份現身醫院探病，但只逗留短短5分鐘就離開。
一臉憂傷的劉少君被問到Lily姐情況時，難以回答。再問是否擔心對方情況不樂觀？他說：「老人家會㗎啦。（同佢傾到偈？）探唔到佢。（接觸佢親人探一探？）會同佢親人聯繫。」他表示一星期前得知Lily姐有事，感到好突然，因為前幾個月才跟Lily姐一齊做雜誌訪問，當時對方仍好精神。他說：「係咁㗎啦，年紀大就係咁。」