見證千雪讀誓詞即淚崩 靚湯冀做契媽

朱千雪與圈外醫生男友Justin日前秘密在峇里行禮，一班好姊妹都有出席婚禮。其中湯洛雯表示很感動，「當日天氣非常之好，真係天公造美。我地先去教堂觀禮，大家都好感動，因為見到千雪著婚紗嗰幕，大家都已經忍唔住喊。 跟住佢地讀誓詞嘅時候，我一聽到誓詞更加係淚崩 。」

她說：「真係好戥千雪開心，佢地好Sweet，再加上岑杏賢接到花球，更加係喜上加喜。所以成件好開心，好似一班好姊妹去Girl Trip，去慶祝千雪嘅婚禮。雖然係一個細細地嘅婚禮，但係係好溫馨，好窩心，見證住佢地嘅童話故事發生。」她稱：「我祝佢幸福快樂，白頭到老，快啲生返個BB畀我玩下，到時我又可以做契媽，哈哈！」