分享「肥胎唔肥媽」心得 黃穎君哂Fit爆大肚寫真

懷孕8個月黃穎君（Burmie)就快生得，現時已放產假。日前她孖同老公丘一峯（Nick）去海灘玩，順便影大肚寫真留念！雖然Burmie肚大大，但身形和手腳仲好纖瘦，「肥胎唔肥媽」，相信生完都不用大修身。她在社交網站話，「依家放緊產假，好悶，所以天氣熱諗住去浸吓水，又想影啲特別啲嘅相，自己就同老公帶部相機去影。」她還笑言自己身有點腫，更與網民分享心得，「養胎期間都係食吓啲營養補充食品，食嗰啲都係畀BB吸收營養嘅，唔使額外再補太多，因為補得太大，之後BB又會太大隻，自己都佗得辛苦，所以我都有留意自己體重。」

她還給孕媽媽一點建議，「建議孕媽媽最好在懷孕初中期已習慣側睡，因為當去到懷孕後期，隨著阿仔急速成長，躺睡會令到愈來愈大的肚子及子宮壓迫下腔靜脈，使回心血量及心輸出量減少，跟住心跳加快，個人就會睡不好...變得淺眠...這是我絶對想像不到的事。」