憶蓮繼續無影 恭碩良：兩個人一齊最緊要笑

恭碩良（Jun）個唱昨晚進行尾場演出，女友林憶蓮未見蹤影。岑寧兒擔任嘉賓，期間Jun在台上即興示範，教大家可以如何無賴地應付另一半的責罵，說：「兩個人在一齊最緊要笑，錢、身材60歲之後就nothing，有幽默感、令大家笑，生命都會長久點。」演唱會尾聲時，Jun眼濕濕表示可能是最後一次演唱會。

演出期間Jun表示希望觀眾暫時忘掉外面發生的事，專心享受今次演出。他說：「作為歌手其實真係好難，唯有真係要大家暫時將外面嘅嘢擺低，我盡力唱好歌娛樂你哋。」Jun有意完成手頭工作後，去陪伴居住澳洲的爸爸，說：「每年都會返去澳洲，但最近見爸爸好似老咗好多，應該陪佢多啲。我爸爸都係玩音樂，平時喺澳洲一啲退伍軍人Clubhouse度玩Band，希望可以去陪佢一齊玩。」
本月18日是Jun的42歲生日，會否和憶蓮一起慶祝？他笑笑口說：「只可以講今晚係我嘅晚上，想講我同張唱片，多謝大家關心。」