文凱玲揀男朋友不重視外型：有肚腩或光頭都接受

「晶女郎」文凱玲（Connie）曾飾演不少角色，無論性感火辣抑或斯文怕醜，她都勝任有餘，外型甚有氣質的她更是大批男士的女神類型，早前Connie為一個網上平台拍片，短片以女神主觀鏡拍攝，鏡頭扮演的男生在港鐵中發現Connie並一見鐘情。

Connie表示這題材及拍法相當新鮮，她笑言短片中她被人暗戀，但現實生活中她卻是經常暗戀人的一方，更自爆中學時曾暗戀過幾個男生，其中一個更是偷戀對方長達3年之久：「對象係高瘦運動型，基本上全校都知，我會成日去睇佢打波，甚至跟住佢返屋企，睇佢住邊，又試過打電話俾佢，但佢一喂，我就驚到收線。（最後有冇一齊？）有同學代我向佢表白，佢話知我暗戀佢，但好絕咁話完全唔鍾意我，將來都唔會，我個心碎晒，唯有死心，轉目標啦！」

經一事長幾智，Connie表示以前會很勇於表達自己，若喜歡一個男生，不介意被人知道，但人愈大開始覺得要保持更多矜持：「女仔會容易啲追到男仔，但可能佢未必真係好鍾意我，未必會好錫我，所以我依家係唔會咁做！」講到現在的喜歡類型，她表示最重要相處舒服，外型反而不重要，即使有肚腩或光頭都可接受，但笑言最好不要有鬚：「好怕錫嗰陣有磨砂感覺。」