【維港會】素食餐廳老闆直言員工「食肉即炒」 網民質疑侵犯人權

有素食餐廳員工近日在網上發文，指老闆曾表示不論員工犯甚麼過錯亦不會被解僱，但若發現他們食肉則會即時解僱，令本身並非為素食者的樓主無奈地表示，在食飯時間亦要「偷偷摸摸」。

該名網民近日投稿至facebook專頁「奴工處」，指自己在一間素食餐廳工作，其老闆曾表示，不論員工犯下甚麼過錯亦不會解僱他們，但若發現他們食肉則會「即炒」，而且即使是外出食飯亦不例外。該網民續指，在此規定下，同事都變得有恃無恐，「遲到嘅遲到，曠工嘅曠工，最忙時樓面可以得返一個人做，呢啲都冇扣錢又冇俾人話」。

該網民又指，同事之間只有一人為素食者，因此無奈地指，自己與其他非素食者的同事，「出去食晏，個個變得偷偷摸摸」。網民亦指，其老闆經常向同事們「宣揚」食素的好處，「瘋狂洗人腦」。

不少網民其後紛紛留言，指「舖內唔食得我接受，但出街食都唔得就真係...」、「簡直侵犯人權，勞工處見」等。另外，亦有人建議樓主轉工，並指「咁咪唔好做呢間餐廳囉！ 好簡單，佢餐廳理念同你本人飲食習慣已經咁大抵觸。」