《包青天》畫面遭批似80年代水準 張振朗演展超被彈好唔掂

無綫劇集《包青天再起風雲》昨晚首播，劇集於新疆拍攝外景，網民都讚「沙漠外景好靚」、「認真過《回到三國》，起碼有駱駝」，但似乎是唯一好處。
有網民指「服裝、髮型、道具、色彩，80年代咁水準」、「個背景…好假囉，好似人哋80年代去影樓影相後面加張紙咁」，「睇慣《如懿傳》同《倚天屠龍記》靚人靚景靚畫面，睇呢套好頂唔順」。其實還有室內景打燈超醜，女演員白臉和包青天黑臉都呈現一撻撻不均勻；其中一場室內文戲景，鏡頭不停郁，睇到觀眾頭暈，是甚麼新穎拍攝手法呢？
演員方面，張振朗演展超，外形上不單連他初接這劇時自覺好笑，網民都話「好唔掂」，「譚仔（譚俊彥演包青天）騎馬都幾叻，全部親身上陣」、「但頭先睇展超上馬完全唔掂」、「未見過咁削展超」、「開封七子看上去最唔好打係佢，連曹永廉都大隻過佢。佢去保護貌似好抽得嘅包公實在可笑」等。