張家輝「煲冬瓜」爆笑彈 古仔勸講少句

張家輝、吳鎮宇、古天樂主演的動作片《使徒行者2諜影行動》昨日在北京舉行「兄弟一心」發布會，「渣渣輝」再次發揮普通話絕招，惟講極都講不出「男色生死戀」五隻字，爆笑全場！

監製劉偉強、樂易玲以及導演文偉鴻、動作導演錢嘉樂在會上齊亮相，錢嘉樂笑言：「這次發布會最精采應該是我和『渣渣輝』和古天樂同台講普通話。」家輝即曬「招牌」普通話：「大家好我是渣渣輝。」惹全場爆笑。家輝又嘲錢嘉樂廣東話比普通話更差。同樣普通話揚名四海的古仔隨即逐個字吐出來：「我是古…天…樂！」

家輝在台上又笑言片中和古仔、鎮宇屬於「男色生死戀」，但以普通話卻講極都講不出「男色生死戀」五隻字，在旁的古仔醒目笑言：「少說點。」

至於電影製作特輯片段亦曝光，大隊遠赴西班牙及緬甸實地拍攝，獲緬甸政府全力支援，封街拍一場大型飛車追逐及街頭槍戰，加直升機低空盤旋，吸引市民圍觀。