【港姐2019】與一眾佳麗拍節目 黎耀祥：黃嘉雯同蔡嘉欣幾有台型

黎耀祥、蕭正楠、曹永廉及黃浩然率領《2019香港小姐競選》15名候選佳麗，於澳門酒店拍攝節目《香港小姐公爵特訓班》。眾佳麗首次拍攝節目，四位公爵都認為她們表現已相當不錯，但口才方面需要加以改進。

4位人夫跟15名候選佳麗拍節目，豪氣地表示不用跟太太備案。阿廉笑說：「𥄫女得嘅，係摸唔得啫！」阿蕭笑說：「阿廉可能要摸喎！我哋就睇到啫，你眼朦，好似盲人凸字咁！」他們表示跟佳麗都是初次合作，仍未有足夠時間了解。談到較深印象，祥仔笑言由他做醜人。他笑說：「總有三兩個唔得嘅！黃嘉雯（Carmaney）同蔡嘉欣（Kayan）係幾有台型，不過我都係睇報紙，但口才需要改善。」黃浩然對眾人初次拍攝表演都相當滿意，亦認同口才對選美非常重要。