【維港會】要求店員找回1仙 大媽當面教仔：唔好好讀書大個就係做呢啲

一名售貨員近日在網上發文，指一名大媽購買一件標價值69.99元的褲子，為找贖1仙的問題而爭論，更教導兒子指「要好好讀書」，否則「連70-69.99都未識計」。

該網民投稿至Facebook專頁「西客之道Hispitality Secret」，指該名女顧客在店內購買一條標價69.99元的褲子。樓主其後向她收取整數70元，但被對方反指「計錯數」，並要求找回一仙的差額。該名女顧客指，「總之你寫69.99元，無理由收我70元」，又指「我會去海關告你違反商品說明條例」。事主最終在無奈下，只好找回1毫子給她。

誰料，對方在取回1毫後，竟向在場的兒子指，「我唔係緊張果一毫子，而係做錯事，寫錯野就要承認錯誤」，並指「唔可以因爲人哋嘅錯誤而令自己受到傷害，同時我哋亦應該畀教訓做錯事嘅人」。其後，該名女顧客更指，「唔好好讀書，大個就係做呢啲㗎啦，人哋放假去行街，你就要返工！仲要人工都唔夠養妻活兒」，令事主甚為無奈。

不少網民紛紛留言，直言「做零售好失禮你呀！」、「呢啲客本身就唔應該找果$0.1畀佢，唔鍾意最多唔買」、「第時個個都咁乖讀好書就冇人賣衫俾你著㗎啦乖仔」、「原本阿媽教仔有原則冇問題，只係表現出狗眼看人低就顯得小氣同衰格」等。