【白色強人】馬明親解：唐明≠唐詩詠＋馬國明

無綫劇集《白色強人》進入結局篇，馬國明飾演的「唐明」，與前妻「蘇怡」唐詩穎復婚在望；唐明又將主刀「洛雯」李佳芯心臟腫瘤手術…。馬明與詩詠這對「兄妹」升呢做「夫妻」，最初聞二人有咀戲大家似接受不了，但隨著觀眾投入劇情，現在更希望二人現實生活中真的由「兄妹」變情侶，甚至有網民認為劇情最好發展到蘇怡出事故，將心臟移植給洛雯，唐明就可以同一時間擁有蘇怡與洛雯。
馬明與「余湛琛醫生」蔣志光及「何醫生Hugo」韋家雄昨晚受訪《東張西望》節目，唐明特別解答網民的留言。其中有指「唐明＝唐詩詠＋馬國明」，馬明就爆料：「其實明呢個名，係我哋監製（羅永賢）好喜歡嘅，舊時嘅作品已經有男主角叫唐明，好多年前已經有呢個明，所以絕對唔係唐詩詠＋馬明」，但主持不死心，再謂是否一個預言？馬明只好答：「咁呢個就唔知啦！」節目亦公開，早在2002年《烈火雄心II》中，方中信就是飾演唐明。
另外，馬明還解答了「有一種愛就如唐明」：「如果真係情侶咁係好正常，因為結婚誓詞話『無論疾病甚麼甚麼，都會陪喺佢身邊』。」；「攞硬視帝」：呢個隨緣，其實我都係睇好郭晉安，目前TVB紀䤸佢係3屆視帝，如果安仔攞埋就4屆」，不過蔣志光謂如劇中余湛琛一樣：「唐明，我呢一票係你」；另外。馬明又證女醫生是可以穿高踭鞋，只有在急症室是不可以；及手術是可以講電話，劇情沒亂來。