【維港會】用游蕙禎相做Tg頭像 植潔鈴拍片道歉：無露面一排又點認得喎

青年新政前立法會議員游蕙禎傍晚在Facebook發文，指被民建聯議員植潔鈴盜用相片，並當作自己的通訊軟件Telegram頭像，並致電對方對質，引起討論。植潔鈴今晨約兩時拍片道歉，指趁假日了解最近hit爆的通訊軟件Telegram，諗住入鄉隨俗唔用真名真相玩，但隨機揀中游蕙禎的相做頭像，故向對方道歉。

植潔鈴在片段中表示，揀相時真的不知道相中人是游蕙禎，「只不過係覺得個女仔幾靚女喎，又真係同啲網民講嘅差唔多，有少少似張耀揚嘅Man樣嘅。」她稱，因為游蕙禎有一段時間沒有露面，「咁所以又點認得喎，係咪?」她承認，即使如此，事實仍用了對方的相片，向游蕙禎道歉，冀對方原諒。

雖然植潔鈴拍片道歉，但網民仍不收貨，「錯道歉就已經足夠...何必要再加啲暗言暗語去挑釁...植小姐...明人不做暗事(這是常識吧!)」、「唔用真相，但無人叫你用人地張相！我都唔用真相，但係用卡通人物相，識唔識分架」、「講對唔住 唔洗解釋咁多 有心第一句就sorry la。」

亦有網民認為植潔鈴已道歉，無需再起風浪，「不必介懷，都係有咁啱得咁橋啫」。