栽培女兒做歌手？ 江華：要讀好書分清是非先

江華與麥潔文夫婦帶同細女陳薔天，一家三口昨到電視城為《明愛暖萬心》演出，江華指兒子去了旅行，未能一家四口參與。今年24歲的陳薔天已亭亭玉立，麥潔文指女兒是應邀參與，因今屆主題是跨代共融，而女兒平時有陪她練歌，因此覺得很適合。而陳薔天首次上電視演出，坦言難免緊張。

問是否悉心栽培女兒做歌手？二人表示看女兒意願，一直給她很大自由，但必須先讀好書掌握知識，不能是非不分，其他事都是其次。麥潔文指女兒亦有接觸作曲填詞，問可有機會演唱女兒的作品，她笑言：「唔知喎，有冇呢個機會呢？我以為我很快便可以退休。」一家三口同場不同台，江華自嘲說：「大會只有請我老婆同個女，我覺得自己都可以呀，咪搲來做囉，我狂搲先終於搲到！（幾時帶埋個仔見大家？）佢唔好呢方面，或者我同佢講記者都好想見你，等我一家四口搞個記者招待會。」