設計女友孖阿蕭亮相節目 洪永城：傾我同翠如做緊乜

洪永城（Tony）出席日本旅遊活動，問到有否統計去過多少地方？他指約有60多個，稍後他將與黃翠如澳洲拍攝旅遊節目，首次到訪阿得萊德作自駕遊。

提到翠如表示好可能二人是最後一次合作節目？Tony笑言：「佢真係倒米啦，觀眾鍾意都會繼續做㗎，點會係最後一個，但佢冇乜時間，愈來愈難夾期係真嘅，始終大家都有另一半，我都要陪女友。（有機會4人行做節目嗎？）冇諗過，但節目opening可以咁做，講阿蕭（蕭正楠）同我女友食飯，傾我同翠如做緊啲乜。」

問可有機會與女友做節目？Tony表示：「佢鍾意去日本㗎，今日嚟就係為鐵道遊取經，請教達人，唔止帶女友，可以帶屋企人。（兩家人去？）都可以喎！」Tony早前被影到與女友放狗，自嘲彎身是執狗屎不是求婚，他指剛剛接觸養狗，女友在此方面有經驗，會指導他如何正確教育狗狗。

另外，前港男梁裕恆揭楊明在群組爆粗，疑為香港上街事件表態，Tony表示有留意新聞，反問記者詳情，但因為不確定對方在甚麼群組發言，不方便評論事件。Tony表示很少參與群組討論，並說：「我啲數據都畀晒女友。」