想再做歌手？ 曹永廉：只要有人願意又不怕死咪試吓

曹永廉(阿廉)以代言人身份亮相廚具活動，他表示已合作四年，問到是否有人工加？他笑言是開心價：「我識咗品牌老闆7、8年，幾年前我工作唔多，但佢竟然搵我幫手，所以我哋已經唔係只講錢。」阿廉自言廚藝不錯，以前亦有入廚房，但近年已交給工人姐姐代勞，但他有時間仍會堅持到街市買餸，他笑說：「因為我去街市大家都好熱情，好多優惠，若然姐姐去買的話，舊肉就細細塊。」

阿廉透露將與老友蕭正楠、陳豪及李佳芯等拍新劇，會拍三個月，笑言與阿蕭會有「親密關係」，二人更將合作演唱會，問阿廉倡否想再做歌手？他說：「有人同我提過（簽做歌手），只要有人願意又不怕死，咪試吓囉！但依家搵食緊要，拍劇係第一，唱歌已經排第二。」