休克後不可再運動 余德丞泣不成聲：好似人生冇乜意義

余德丞（Dickson）於昨晚播出的無綫綜藝節目《如果這樣生活》，到日本學習慢活的他，一開波就難免提到去年在球場踢波時休克事件。他說「同死神擦身而過，對生命生活不同睇法」、「我29歲，應正值人生黃金時間，不過就經歷過死亡呢10分鐘，令我明白到人生無常、變幻莫測」。他回憶事發當日在球場踢波途中，自覺有少許不適，故要求換人，出場後就躺在草地上攤抖，但這一攤就昏迷了兩日；醫生說他是心律不正，由6、70上升到300幾，function不來所以暈倒。
Dickson謂運動可說是他整個人生，但「當發生呢件事之後，醫生同講有機會我以後都可能唔可以做運動，嗰刻之後我表現好出嚟好似冇乜嘢，其實心裏面非常非常之難受（哽咽），因為由細到大（喊），由小學開始我已經好鍾意做運動，所以我（泣不成聲）……我仲想可以喺球場上搏命，如果真係冇得踢，好似人生冇乜意義咁；但諗返轉頭，如果可以執返條命，即係話如果喺你生命裏面揀條命定揀運動，冇辦法都要揀條命，因為要對自己負責任、對屋企人負責任，所以一定要接受呢件事。」