老婆出差3日 陳柏宇帶女返工信氹得掂

陳柏宇（Jason）帶同8個月大女兒Abigail到電台宣傳新歌《金草莓》，他表示太太到外地工作3日，雖然他首次獨自湊女，但有信心會照顧得掂，最難要氹女兒睡覺，又怕囡囡睡覺時喊醒，所以他不敢熟睡。他說：「我已經計劃呢幾日帶阿女一齊返工，但都ok嘅，聽日開工時間長一點，如果她眼瞓就要氹，究竟可唔可以一路工作一路氹呢？所以都要帶架嬰兒車去。」
Jason表示曾有廣告商邀請女兒，不過未試過一家三口，但不會抗拒，最緊要有錢賺的廣告都想拍，若找女兒拍廣告只可以任其自由發揮。他說：「可以要求我做乜，但不可以要求女兒做乜。」對於女兒將來的學業問題，他跟太太有談過，打算女兒7、8歲便安排到加拿大讀書，太太亦會同行，屆時他做「太空人」兩邊走。