盧巧音想下年再開騷：搞戶外好feel啲

盧巧音（Candy）於麥花臣場館舉行一連兩場演唱會，昨晚進行首場演出，並吸引到孫慧雪、張彥博、啤梨等入場欣賞。 Encore時，Ccandy笑言見到爸爸、媽媽媽，奶奶也在場，又指16年前的同月同日也舉行了紅館第一個演唱會，但並非屬於自己，只是市場需要。

Candy逐一介紹樂隊成員時，險些跌倒。她說：「唉也！爭啲仆街。」談到開個唱跟當年紅館開騷撞正同年同日，Candy表示有歌迷傳送當年紅館演唱會的門票給她睇才知道，覺得好巧合，但今次個唱切合自己心目中，無論歌曲及服裝也是她選擇，又解釋未有彈結他，由於少於練習，所以不想獻醜：「個唱少說話，但一路唱歌落去會辛苦啲。」聲沙沙的她，笑言做埋訪問不說話，並指老公Sammy在成都開騷未有到場。

談到可想再度在紅館開個唱，她說：「無乜所謂！香港都好多場地。（想戶外開騷？）戶外好feel啲可以食下、飲下嘢，未有構思，不過已經諗下個騷點玩。（下年開騷？）希望下年，但未必順心，隨緣囉！」提到早前出席樂隊Soler成員大孖Julio與圈外女友 Karen的婚禮，Candy說：「我同老公去，係一個好開心、簡單婚禮。」