【維港會】港媽抱細女衝燈過馬路 大女唔跟被「遺棄」

家長的言傳身教對兒童很重要，有網民在社交網站發文分享，指曾遇到一名媽媽帶同兩名女兒等待過馬路，期間媽媽要求大女一同衝紅燈，惟大女害怕驚呼，而該名媽媽竟未有理會，逕自抱著細女衝至對面馬路，留下大女獨自在原地。不少網民怒斥該名母親未顧兒童的安全，更教壞女兒。

該名網民在Facebook專頁「生仔要考牌系列」投稿，指在土瓜灣購物後，等待過馬路回家時，看到有三母女走近，其中媽媽手抱住著一名年約4、5歲的細女，緊隨其後的大女則年約9、10歲。期間該名母親突然一聲令下「衝啦！」，準備衝燈橫過馬路，惟大女即表示「我唔衝呀，我好驚呀！」。

不過，該名媽媽未有理會女兒的呼叫，抱著細女直衝至對面馬路，獨留大女在原地。大女驚慌失措下高呼：「喂呀，我好驚呀！」，而該名母親不但未有回頭，更直接衝上一棟大廈，「個大女望住佢呀媽就咁入咗大廈，自己就喺度仲等緊」。被留下的大女則非常焦急，甚至企出馬路邊，再三張望後，最終還是決定衝紅燈。

樓主真斥該名媽媽冷血、離譜，無視女兒的安全，「大佬！依家唔係淨係你自己條命，咁都仲要衝紅燈，仲要叫自己大女一齊衝？身教呢？！好危險架！」。他又指，連大女都知道不可以衝紅燈，更出言阻止，「但你就自己走咗去，望都無望返自己個女，何況你只係返屋企，諗唔明佢會有幾趕時間！」。

事件引發大批網民討論，有人留言批評該名媽媽不負責任及冷血，「唔知道真係以為係佢後母，個大女係咪佢親生架？」；亦有人認為該名媽媽可能有緊急原因要回家，「記起煲湯無熄火、屋企老人家有事」。