【維港會】參觀期間「開大」遭老師開門 中五生：我覺得好侮辱

去廁所是一件十分私人的事，都會被視為是私隱。一名中五生稱去年跟隨學校參觀社區中心期間，因人有三怨急到洗手間大便，惟期間有老師突然打開已上鎖的廁所門，懷疑檢查學生是否吸煙，令他感到私隱被侵犯，引起討論。

一名中五生在Facebook專頁「名校 Secrets」發文，指去年5月11號中四下學期，跟隨學校到屯門社區中心參觀職場，期間他人有三急去廁所，「個廁所就本身好大煙味，我就入咗去痾屎痾咗一段時間，點知我個帶隊老師唔知用咩方法開咗我對門，門都無拍下，我無著褲痾緊屎咁就俾佢地睇晒。」

他指出，當時有兩名老師，其中一名老師見他無著褲已經即刻行開，但另一名老師仍繼續望，至他開口才離開，「我雖然喺學校老師對我形象唔太好，但我覺得都唔使咁唔尊重我私隱，我覺得好侮辱。」他其後向校長投訴，但對方給了他一條七樓無人用的廁所鎖匙，「打算平息件事，我唔明校長點解唔係解決件事，唔處理開門果個a老師，又用一啲行政壓力去逼有心同我道歉嘅b老師辭職，仲要用俾私人鎖匙我依啲方法嚟想我收口。」

不少網民認為老師行為過火，「其實已經可以報警」、「點解A老師仲係到睇你屙屎，同埋真係侵犯私隱。」亦有人認為涉事同學去廁所時間太長引起猜疑，「首先，你要問下自己， 點解去咗咁耐，你本身已引起老師懷疑，另外，老師想開門時，點都會有啲聲嘅， 你點解唔大叫呢，有時，老師真係好難做，家下啲學生好難教」。