烈日當空戶外Busking 黃淑蔓怕曬黑狂搽防曬

「寰亞孻女」黃淑蔓（Feanna）日前在尖沙咀Busking，烈日當空揮汗唱足半小時，攝氏33度高溫，露肩又露臂亦無助散熱，只好狂搽防曬，Feanna笑說：「好彩今日著咁少，但好怕曬傷狂搽防曬，我已經曬到好黑㗎啦！」她透露13歲第一次Busking在尖沙咀，之後旺角、中環、銅鑼灣周圍唱，媽咪是最忠實Fans。她說：「我通常晚上7點開始唱，有時唱到凌晨2點。（屋企人擔心？）媽咪成日都嚟陪我，有時唱到2點，媽咪就坐喺遠處望住我哋玩。」

Feanna在尖沙咀海港城戶外參與「油・花園」的週末市集Busking，下午4時開始表演，但她和樂手提早到場測試音響，曬到眼到睜不開。Feanna說：「雖然好曬又好熱，但好多謝咁多Fans和市民留步聽我唱歌，好感動！」她應Fans點唱，唱了出道作品《差一點我們會飛》和幾首英文歌，還有第一次公開演唱出爐新歌《Dream My Dreams》。她說：「以前busking都係即興，或者早一晚決定，去到現場先至臨場上網搵歌詞就唱，但今次就有計劃，預先諗好歌單和練歌，不過一樣咁興奮和開心。」

Feanna表示在尖沙咀busking有情意結，她說：「我第一次Busking大約13歲，中二的時候。當時我開咗個IG帳戶唱下歌，某日有個彈結他嘅男仔私信邀請我一齊去busking，咁樣同網友出街唔係咁好，我就拒絕咗。幾個月之後，我同媽咪喺尖沙咀行街，見到有個男仔好熟口面，我認得就係彈結他嘅男仔Busking。佢哋隊名叫SchoolBusk，全部都係學生，最吸引我係佢哋用一支結他和一個Beatbox，個Pattern好特別，後來我就同埋佢哋一齊開始玩Busking，媽咪都識佢哋㗎！」除咗「第一次」busking在尖沙咀，今次busking亦是她18歲成年之前最後一次。