一哥斥「光城」荼毒青年十惡不赦

警隊「一哥」蕭澤頤上任快一個月，日日忙於工作，關注許多議題，他同盧駿傾開偈，尤為關心涉嚴重恐襲圖謀的「光城者」案，直斥有人在背後荼毒學生、年輕人，「推佢哋去死，係十惡不赦」，警方會與各持份者合力，令他們明白守法的重要性。

警方國安處早前搗破港獨組織「光城者」策劃炸彈恐怖襲擊圖謀，共拘捕十四人，包括九名中學生。「一哥」蕭澤頤話好心痛，當中最細只得十五歲，值得大家反思，「點解出來做的都係細路仔？明眼人都睇到係乜嘢一回事……有人喺背後荼毒佢哋」，學生唔知實情，容易受影響，就恨錯難返。

蕭澤頤又話，呢個係一大警示，大家要齊心合力去做才可扶學生、年輕人回正軌，單靠警察效用有限。他自己就主持工作小組，與家教會、校長等齊齊傾同度橋，他深信，年輕人要有身邊人帶領，向他們灌輸正確訊息，明白守法的重要性。而且，他認為家長要識say no，明知子女行錯路要開聲糾正，千萬不要因為怕爭拗由他們自行做決定，後果可以很嚴重。

維港會