港區政協周五北上打疫苗 明午做檢測二月打第二針

各國視新冠肺炎疫苗做救星，香港亦不例外，如果有大量市民去接種，有足夠保護，「清零」有望。據知，上面亦已吹哨子叫全體港區政協在星期五到深圳打疫苗，是否與三月北京舉行兩會，要港區人大、政協提早做好安全措施有關？有政協相信並不為奇。

有政協透露，深圳市希望他們在明日下午，先行去灣仔友好協進會會址做核酸檢測，確保結果呈陰性，在人人安全下，再於星期五上午集合，出發到深圳，具體安排屆時自有分曉。該政協又估計，今次先打一針，二月再打多針，就啱啱好，再齊齊檢測抗體，確保萬無一失。今次並非強制接種，但相信不少人會響應，始終內地疫情受控下，香港人都要做好自己，有機會當然是親身去開會最好。

政協委員施榮懷同盧駿講，全國政協以外省級政協及他身邊好多朋友，特別是他自己，都希望快啲可以打疫苗，不少人不明白點解𠵱家喺香港無得打，他就向他們解釋，因為疫苗是藥物藥品，在香港仲未合法，需要取得批准才可以用。他建議，特區政府多費唇舌解釋給普羅大眾知道，並且加快立法配合，好讓市民盡快在本地打針。

不過，亦有身兼立法會議員的政協透露，當日要開會，未能出席，之後會再有安排。

維港會