林健鋒生日願望 冀盡快通關

經民聯立法會議員林健鋒六十九歲生日超happy，昨午與一眾黨友同記者、辦事處職員齊齊慶祝，他收到三個靚靚蛋糕，分別寫有「衝出疫境」、「乘鋒破浪」及「happy birthday」祝福字句，夠晒意思，他即刻食咗個「疫境」，望大家快快衝出疫境。

講到今年生日願望，林健鋒話，作為工商界代表，他希望盡快通關，個個有工做、有飯食，未來幾個月真係好關鍵，所以他期待特首將大家嘅心願帶上北京，亦希望她帶好多利港措施返來，大家在過年後可以安安定定，「我相信二○二一年一定會比二○二○年好，大家要有信心，大家堅持、支持。」

「肥老闆」張華峰不但送上蛋糕，還帶埋香檳贈慶，林健鋒大開香檳時，大主席梁君彥笑笑口話，小心弄污立法會地氈，否則要罰十一萬元喎！

維港會