網民翻舊帳促「吞file」 湯文亮唔認輸

一向言論惹火嘅紀惠集團行政總裁湯文亮被網民「翻舊帳」，因應美國要制裁十一名中港官員，要求他「找數」表演食file，但當事人唔認輸。

　　話說湯文亮早在三月曾在社交平台「豪言」，「如果美國在半年內實施《人權法》，我將個file吞落肚，沒有問題。」他「豪言」隨即被網民翻舊帳，紛紛留言要求「找數」，有網民留言「幾時表演食file 十分期待！」、「食file未呀，嫌啖可以落鹽」、「博士找數 live?」。KOL薯伯伯更稱：「等睇湯博找數食file，但講到最想睇佢表演嘅人，我估應該係嗰對聽佢講唔買二千萬樓，用晒錢買滙豐嘅夫婦啩。」

　　不過，湯文亮其後在社交平台回應，「唔好話我輸，制裁並不關《人權法》，是因為《港區國安法》。」一眾等食花生嘅網民對於湯拒「找數」，大感失望。

維港會