【國安法】田北辰澄清：無投反對票

十三屆全國人大會議昨午舉行閉幕會，當中就「港區國安法」決定草案投票，結果以二千八百七十八票贊成、一票反對、六票棄權通過。結果一出，大家都非常好奇，究竟邊個投下唯一一張反對票呢？有台灣網民瘋傳，估計是港區全國人大代表田北辰，更有多家媒體報道上述猜測，不過田北辰就同盧駿伸冤，澄清自己是投贊成票，仲話都唔知班台灣媒體搞乜。

　　田二少話，起初覺得由香港自行立法，維護國家安全會較好，不過到了北京後，見到香港立法會連審議一條爭議不大的《國歌法》，都搞到議員要打地鋪過夜，對香港可唔可以自行為《基本法》廿三條立法真係無眼睇。他又強調，自己重視程序，但都要為大局着想，就好似立法會內會咁，最初都認為應該先選主席才處理議程，但選舉一拖再拖，「物極必反」，就知不能盲目跟從程序。因此，最後自己諗都無諗就投了贊成票。

　　至於人大的表決稿中，加入「禁止危害國家分裂的活動」，田北辰表示，本來都擔心如果一些活動被危害國家安全的人騎劫，會令到無危害國安行為的參加者也受到牽連，但他後來亦同意一些宣揚港獨而未有行為的活動，都應該一併制止。

維港會