傳買假口罩失30萬陶君行：已全數退款

      新冠肺炎疫情全球蔓延，口罩變成所有市民的生活必需品，人人都搶先入貨。近日有網媒傳出消息，稱社民連前主席陶君行在內地購買口罩等一批防疫物資，價值三十幾萬，想運畀美國議員。據指該批口罩被查出是水貨，屬假冒偽劣產品，最後被禁止出口。

　　陶君行就澄清並非事實，仲同盧駿解釋了事件始末。他說自己有同學在內地做消毒及清潔用品，有口罩出售，對方請自己幫手睇睇有無人訂購，他便成為了中間人。他又透露，自己曾於農曆新年間墮入「口罩騙案」，在網上訂購口罩卻收唔到貨，無咗幾百蚊，後來他便以「貨到付款」的形式再購口罩，不會擲三十萬去買一批口罩。陶君行承認同學最後未能出口口罩，原因就未有多講，或與內地加強防疫物資出口監管有關，他亦將代購所收的錢全數退回，仲話搞咗成個星期得個桔。雖然無口罩，不過他說與朋友順利收到訂購的酒精搓手液和噴霧。

維港會