區議員今搞局 母親節霸枱「淨飲」

本地疫情緩和，上周五（五月八日）起放寬限聚令的食肆每枱人數，由四人增至八人，正好趕及母親節。本港飲食業早前受疫情影響生意大跌，希望藉今個母親節，能吸引多些顧客，但深水埗區議員的楊彧昨日卻在其臉書專頁帖文，呼籲市民在今日母親節「支持美孚富臨大行動」，於今早十一時起「和你淨飲茶」，更要一人一張枱，有網民認為咁做好有問題，令區內的孝順子女想與母親慶祝，出街歎茶都要受到影響。　

　楊議員聲稱富臨可以獲得政府推出的一億七千萬抗疫基金的資助，但員工放兩個月無薪假，於是便在facebook專頁內，表明富臨可能最近生意差，所以「我哋一齊趁母親節，去畀啲支持畀美孚富臨好唔好？淨飲的話，杯茶會貴少少，希望可以畀到多啲支持畀富臨出糧畀員工」。

　　楊議員這個「和你淨飲茶」行動，仲提醒市民要「一人一張枱，做足防疫工夫」，有網民就質疑，請問淨飲茶，仲要一人一枱，咁做如何支持酒樓做生意呢？如何令員工可以有糧出呢？

維港會