田少守限聚令 三個JT派口罩
2020-04-16 08:43 
昨日中環星光熠熠，自由黨榮譽主席田北俊（James Tien）、前財爺曾俊華（John Tsang）、民建聯創黨主席曾鈺成（Jasper Tsang）聚頭，在街頭大派「希望」口罩，旁邊又放置一個印有田少嘜頭及「給香港一個希望Hope for Hong Kong」的易拉架，吸引唔少市民拎口罩兼打卡。
田少在社交網站話，昨日三個JT夠晒數，因為在限聚令下，唔可以多過四個人派口罩，他很多謝兩個老友曾俊華同曾鈺成幫手，大家齊齊派，結果好快派咗四萬個口罩。田少未夠皮，仲話會派夠三百萬個，問「邊個想同我一齊派」，他直言：「香港最缺唔係口罩，香港最需要係希望。」
三個JT繼今次「合體」，唔通在九月立法會選舉都有聯手搞作？真係拭目以待。
關鍵字
最新回應