樂●活｜入手中古奢侈品 賞Upcycle古物藝術

相信唔少女士們心目中都有一個Dream Bag，可能係當季新款，更有可能是一啲中古Vintage款。

近年中古Vintage手袋熱潮有增無減，保養得宜嘅中古手袋更加係極之矜貴。由品牌鑑定師子健（Shiken Ng）主理嘅Lovintage由即日至7月31日期間會舉行感謝祭，期間實體店及網上交易平台嘅貨品將會全部以低至6折起出售，部分產品不用$2萬，可以話係入手中古手袋嘅好時機！

有別於市面上只着重炒賣嘅二手名牌店，Lovintage喺出售產品前會為每件收藏品進行真偽鑒定，同時亦會教大家點樣可以好好保養中古手袋，務求可保育中古Vintage手袋嘅傳統工藝。據了解，今次嘅感謝祭可以買到嘅中古手袋包括：CHANEL中古黑色翻蓋鏈條手袋、CHANEL中古黑色牛皮菱格相機袋、CHANEL中古啡色牛皮翻蓋購物袋、CHANEL中古酒紅色蜥蜴皮翻蓋手袋、CHANEL中古黑色牛皮菱格化妝袋、CHANEL中古黑色羊皮壓花Logo背囊等，相信唔同喜好嘅女士們都會揀到心頭好。

說起「古物」，日本名牌收購專門店Nanboya會於即日知7月31日期間，會將喺日本所搜集到嘅舊物，結合香港 4 位本地藝術家嘅創意及獨有色彩，合作策劃古物「重生」項目「Nanboya Upcycle」，以現代創新的形式重新詮釋古物，於本地ExhibitShop概念藝術玩具展覽店 Amaz By Lokianno帶大家一起跨越古今，舉行Nanboya Upcycle古物藝術展覽，實行將藝術融入古物延續「使用」壽命。

與Nanboya Upcycle合作嘅4位本地藝術家都是首次利用日本古物來進行創作。藝術家們利用自己嘅創作風格及元素，嘗試以不同角度及觀察重新演繹古物，包括：樹脂畫藝術家張滙希將古物融入樹脂畫中並為它們特制唯一的外框；竹藝藝術家林嘉裕靈活運用竹的特性來彌補古物的缺陷；環保藝術家彭淑儀堅持「人棄我取」，收集環保物料來創作；而雕塑家潘星瑋發掘古物的潛在意義，並利用它們的自然形態賦予新的面貌。展覽共展出 20 多件以現代創新美學重新詮釋古物的藝術品。

作者：Laurie Wu（愛保健愛旅遊愛購物的熟女）

[email protected]