樂●活｜跨界酒店級下午茶之約

特別鍾意聯承活動，每每會帶來唔少驚喜！好似最近多間酒店就有唔少別具特色嘅跨界合作。

愛美嘅女士們，就要約埋好姊妹們安排一日去試試香港喜來登酒店與日本美容護膚品牌ALBION聯手打造嘅「健膚之約下午茶」。活動以ALBION皇牌健康化妝水為靈感，創作出一系列精緻悅目嘅美點，女士們可以於酒店頂層嘅視佳廊邊欣賞180度迷人的維港景致，邊品嚐精緻的鹹甜糕點，隨隨雙人下午茶附上禮品換領卡，憑咭親臨ALBION美容護膚專櫃換領健康化妝水透亮美肌套裝及與好友體驗日式尊貴手部護理服務。

先簡單介紹全新升級版ALBION皇牌健康化妝水N，係用上以北海道栽培嘅有機北之薏仁為主要成分，其提取嘅濃縮有機薏仁精華和有機薏仁油可恢復正常嘅表皮新陳代謝，啟動肌膚自我更生能力，具消炎抗氧化功效，解決各種肌膚問題，打造水潤健康美肌。而香港喜來登酒店餅房行政總廚餅房行政總廚Chef Sam及蠔酒吧主廚Chef Oscar匠心設計嘅「健膚之約下午茶」，就有11款靈感源自ALBION健康化妝水N所、用上多款日本食材巧製嘅鹹甜美點，帶來回味無窮嘅滋味之旅。特別推介嘅甜點包括和栗朱古力泡芙、柚子芝士蛋糕、迷你蜜柑牛乳卷；鹹點就有玉子燒三文治、鴨肝焦糖燉蛋、吉列豚肉三文治等，至於下午茶飲品就可配特調薏仁蜂蜜紅棗茶、免費升級至巴黎之花香檳或自選茶茗或咖啡。健膚之約下午茶由7月8日至8月31日逢星期三至日提供。

至於香港尖沙咀凱悅酒店與滴露香港聯乘由即日起至8月30日推出以白茶花及夏天為主題的主題客房、下午茶餐及白茶花手調香水工作坊，結合近期推出嘅滴露ProSkin親膚沐浴乳霜白茶花與溫泉礦物清香，讓大家沐浴喺白茶花香盛夏。其中入住Beauty in the City白茶花主題客房嘅客人會先通過以白茶​​花為主題嘅通道進入客房，床頭上方掛有白茶花水彩畫，而床頭兩側則有日式竹編床頭燈，營造溫馨舒適嘅氛圍，房內嘅玻璃大窗亦以Beauty in the City嘅主題標語及白茶​​花作裝飾，布置成絕美嘅打卡位。入睡前，客人可先沐浴並沉浸在白茶花嘅自然純淨香氣中，並使用滴露ProSkin 親膚沐浴乳霜白茶花與溫泉礦物清香，溫和潔淨同時令肌膚保持水潤幼滑，浴缸上另擺設木製浴盤，並放着一瓶白色山茶花，實行來個五感愉悅舒緩嘅溫泉體驗。酒店多個角落也設有Beauty in the City白茶​​花裝飾，而酒店大堂的2.2米高長鏡亦會變身為白色山茶花自拍牆。

另外，於咖啡廳享用一系列以白茶花為主題製作多款特色茶點，打造白茶花漾夏日下午茶。美味鹹點包括龍蝦芒果沙律仿魚子法式軟包、鴨肝羊奶芝士開心果仁朱古力撻、煙三文魚慕絲千層酥配仿魚子及蛋黃和忌廉芝士蛋沙律紅菜頭三文治。一系列甜點更散發愉悅花香果甜，部分以白茶花茶入饌嘅甜點包括白茶花慕斯、白茶花絲絨蛋糕卷及白茶花玫瑰荔枝杏仁撻等。堂食客人更可獲限定清新輕怡、透心涼嘅紅石榴血橙雪葩。每位客人另可享用一杯夏日特飲，可選冷泡玫瑰莓茶或冷泡蝶豆花茉莉茶。白茶花漾下午茶於即日至8月31日逢星期一至六限量供應，公眾假期除外，咖啡廳另提供外賣下午茶套餐。

此外，更與本地手調香水品牌ninety second合作開辦白茶花手調香水工作坊，配合山茶花香氣主題，精選20種香氣原料，在導師指導下，參加者可親自調配出獨一無二的山茶花香水 。

海港城港威酒店內嘅Three on Canton就夥拍Häagen-Dazs喺熱辣辣嘅夏天推出仲夏果漾下午茶，實行以Häagen-Dazs全新盛夏真果系列雪糕製作夏日時令水果嘅鹹甜美點。Häagen-Dazs西瓜士多啤梨雪糕以爽甜多汁的西瓜，拌入士多啤梨真果肉與香甜士多啤梨軟心醬，甜酸可口；車厘子黑莓雪糕則萃取香甜馥郁的車厘子拌成幼滑雪糕，細緻混入清新黑莓軟心醬，調配出完美甜酸比例，散發陣陣清新果香。

推介甜點包括士多啤梨西瓜香草撻，餅廚特意採用自家製的新鮮士多啤梨及西瓜果醬，加上香甜幼滑嘅士多啤梨味雲呢嗱吉士醬及鮮果粒製作成精緻美味嘅鮮果撻；車厘子黑莓忌廉球就是以車厘子醬製成嘅球狀包裹香甜馥郁嘅車厘子慕絲及原粒黑莓，吃下去甜酸可口。鹹點方面，餅廚亦匠心巧製了數款以時令水果入饌，好似鵝肝慕絲配草莓羅勒沙沙、羊奶芝士配西瓜及杏仁及帶子檸汁多士等。仲夏果漾下午茶由即日起每天供應，馬哥孛羅 饗．樂薈會員預訂下午茶更可享75折。

 

 

作者：Laurie Wu（愛保健愛旅遊愛購物的熟女）
[email protected]